Rudi

「iPad? 點解呢個名咁似M巾？」 哈哈，以上是我老婆今早聽見這個名時的第一個反應。 我第一個反應，反而係：嘩，正呀，好似成部iPod Touch變咗Incredible Hulk（變型俠醫）咁呀，勁呀！ 我較緊張的是價錢，唔好講咁多，睇睇咩價碼先。 入場價是美金$499，尚可接受吧，這個價位，擺明是吸其他e-Reader客仔的，Jeff Bezos尋晚同我報夢，話佢好後悔用了咁多錢搞Kindle。 連3G所有型號，一律只需要加$130，即係一千港幣左右，Apple玩訂價，真係玩得絕，每「下一個價位」都會令你蠢蠢欲動，想俾多一千幾百去「升呢」。 以下是基本規格： 熒幕：9.7吋 厚度：0.5吋 重量：1.5磅 處理器：自家新作1 GHz Apple A4 chip 記憶體：16 GB/32 GB/64 GB SSD 電量：10小時連續使用/待用狀態可持續一個月 其他：耳筒/咪/藍芽2.1/multi-touch/802.11n Wi-Fi 再睇睇Apple一眾高級Sales如何力Sell這個新產品。 雖然無Steve Jobs在片內親自推銷，但一般情況，睇完Apple這類宣傳片你都幾難唔心動，佢地今次仲要講到明，我地今次一開波就要用超「抵」價招你入場，唔似得以前咁等推出下一代時便即時逐步跌價。 我直情覺得，呢番話好似擺明針對我而講，因為我成日都呼籲朋友：千祈千祈千祈唔好買任何第一代的Apple產品，起碼等到第三代。 我有點擔心，我可能會打破我多年來所發過的毒誓。