點樣令一隻Uncool的產品變番Cool？ 「Hip-hop啦。」Formula通常就是這樣的，客戶會叫廣告公司或者廣告公司會建議客戶，搵阿MC YAN呀MC JIN呀MC DING呀MC THING呀如此類推，叫佢地出嚟攞住個產品Rap兩咀就諗住會—「得咗」。 我已經唔係後生仔，唔敢肯定會唔會真係得咗，之不過最近見了這個產品Muscle Milk發放在YouTube的MV，Rap就係Rap，但係就搵了個Kai Kai地嘅阿叔嚟Rap ，仲要揀正美國佬的大節—感恩節果陣嚟Rap，效果反而仲爆喎。 哎呀，我真係好想搵鵬哥出山，同我地Rap番下。
絕對就是驚艷，我找不到另一個更恰切的詞彙來形容這個櫥窗裝置，不，這根本超越了一個櫥窗裝置的界限，這已經是一件藝術品，你更可視之為品牌營銷的一部份，這個年代，任你多賣多兩個Print Ad或拍多兩條TVC，相信也未必及得上在自家的旗艦店櫥窗，來一個給可供人家朝聖和讚嘆一番的裝置，我更覺得，將這作品在媒體或網上炒作話題，沒甚難度。 Hermès最煞食的產品是什麼？除了其旗艦產品的手袋外，她的絲巾更別具品牌的象徵意味。趁這個寒風陣陣的日子，位於東京銀座的這間Hermès旗艦店，便來了一個這樣的立體裝置，一塊簡簡單單的的影像投射，見一美女徐徐地向掛在面前的一縷Hermès絲巾，吐出絲絲如寒冬般的呵氣，絲巾隨風飄曳晃動。 色彩單調的人像，與艷麗的Hermès絲巾成強烈對比。色彩配搭簡約到位，沒多沒少，浪漫之餘，詩意盎然。 在YouTube找來了這示範短片，真的很想看看真品哦。 原作者是何方神聖？作品的設計師是曾經隨三宅一生(Issey Miyake)門下逾廿載的吉岡徳仁(Tokujin Yoshioka)，他既是一名出色的產品設計師，創作空間展示亦具大師風範，真希望有朝他的作品，能夠在香港的櫥窗出現。 這個Hermès的櫥窗空間展示，會擺放到明年1月19號，有機會到東京一遊的話，錯過呻笨。
搞下爛Gag嗟，唔好嬲，電車男之唔係我，係我，係我。 言歸正轉，我一日彈人家搞的Blogger活動，但時間許可的話，我總還是會應約而去，尤其是Nokia吹雞搞的。 原因很簡單，雖然無送手機派大禮，但參加過這麼多Blogger活動中，相信只有Nokia搞的，才不會把這類活動視為純公關及marketing部門的工作，較早前參加的Nokia「電車」聖誕派對，在場的便不單有例牌必到的公關及marketing部門，我更欣賞的，是一班親力親為的具technical背景的產品經理，他們會以產品技術上的角度，讓我們更加好好認識Nokia的新產品和新服務，而並非一味力Sell。 除此之外，今回更是破天荒，有Nokia香港及澳門區的最高話事人Bruce的出現，來聽聽各位手機用家對Nokia的意見，看來Blogger活動真的愈來愈備受品牌重視了。 Nokia的產品經理各具不同方面的技術知識，有問必「識」答。 唔講真係唔知，原來剛推出的E72，已預設了一些實用的本地化軟件，對我最有用的，可能係呢個可以即時揀位即時買埋飛的百老匯戲院app。 當然唔少得，真係我老友文地貓為Nokia設計盞鬼貓貓手機主題。 我真係大鄉里出城，今次還是第一次參加電車派對，迫迫地，氣氛幾好噃。 雖然，Nokia查實是我公司的客戶，但通常，我都是以Blogger身份被邀出席的(佢睇我唔到佢睇我唔到佢睇我唔到)。 Bruce肯定係超級大忙人，和我們打成一片兼留守到最後玩到抽獎時間都咪話唔重視。 聖誕禮物人人一份，我最喜愛的Starbucks card，正!
這是我較早前在Marketing-Interactive這雜誌發表的文章，澳洲佬老編不知何韻詩是何許人，但此文的網上版出街後，卻獲得了該雜誌網站的最高紀錄的瀏覽量，他興高采烈地向我報捷又讚我寫得好云云，但我告訴她，這其實是拜何韻詩在網絡界的人氣所賜。 寫這篇文的事緣，是因為聽聞何韻詩在某個電視遊戲節目中，不經意地回應了一個有關其性取向的問題，事後除了媒體的爭相報導外，更見到她在雅虎搜尋榜的人氣飆升，我深感何韻詩較早前勞心勞力的Ten Days In The Madhouse，居然也未有獲得媒體如此的廣泛關注，即使我不是她的紛絲，也有點為她感到不值。 於是我便一口氣在信報及這裡發表了兩篇的文章，嘗試以另一個角度，想喚起大家多看清何韻詩的另一面，我亦希望透過何韻詩這個例子，想告訴大家對任何事物也可以嘗試多用不同的角度去看，不要被所謂的大眾媒體牽著鼻子走，人云亦云。 Social Marketing: A Touch Of Celebrity I don’t think local celebrity Denise Ho aka HOCC will be happy to see her name on the top searched keywords chart this week on Yahoo Hong Kong. But I do think that’s the way of the entertainment business, people care more …
Science World是位於加拿大溫哥華，一個類似我們香港科學館的非牟利場所，內裡長期有無數展覽及影片播放活動，專介紹多種不同的有趣科學大小知識。 Today 當我們的市政局文娛康體節目還是賣著十年如一日的「公告式」廣告，你看人家溫哥華科學館就會花多點心機，來點創意加點幽默，做出這一系列滿有趣味的平面廣告(相信是地鐵或巴士站的燈箱海報)。 BB 仔Bumgy Jump的那一張稿我最喜歡，Visual有stopping power，文案亦簡潔到題，最後一句We can explain作結語，三個字就一語講明「到Science World等我o黎解釋你知」，不用多費唇舌來一句港產式客戶至愛所謂的Call for action「你仲唔快o的o黎睇？」這一類侮辱人家智慧水平的結語。 香港近年連報導新聞也時興畫公仔畫出腸，所謂的反映民智，莫過於此。
Mac仔今次又嚟窒PC，今次當然係暗寸新出嘅Win7。 Mac仔雖然欺人太甚，但佢又唔係無道理，不過阿彌佗佛，我當然係唔想PC再有事，Win7唔該生生性性，我日日都要用你開工。
當Mac仔繼續窒頭窒勢，咄咄逼人，PC就一於打親民牌，話今次Win7的所有升呢，條橋都唔關我事，全部都係所有街坊幫手諗o既，一反以往Microsoft以為自己高高在上啋你有味的高傲形象。 查實，我都有份報夢俾Steve Ballmer，叫佢咁改咁改o架。
熟悉我的朋友，都知道我係Mac友。八十年代的時候，當年中大的Computer Lab內的Mac機一般都無人吼，於是我便開始用起Mac來。 一體化連MON的Mac機，算是當年的經典造型，家陣仲有公司抄緊。 但出來社會工作以來，我一直都係Mac同PC兩邊走。原因無他，用PC多半是為工作方便居多，我不會為堅持用Mac而堅持，就算我再愛Mac，我都不會和大 家鬥氣，更不會和公司唔太懂得搞Mac的IT大佬過唔去。唔好玩啦，即使到了今時今日，就算同樣是用MS Office，不同平台，Mac和PC兩邊走仍總有點問題。 我唯一會堅持(又或者其實是習慣了)，就是當玩音樂或做相片影片editing時，我還是會用Mac的，最近我就買了部MacBook Pro，開心到我丫。 如果你要我打個譬喻，我會形容PC好比家人，我要Learn to live with it，用Mac呢，就好比好朋友或情人，用得可以比較舒服隨意。 Windows用了這麼多代，so far最好用又最穩定的算是Windows XP，到了Vista，唉，真係惡夢開始，用咁耐衰咁耐，問題多都算，但下下勞煩公司的IT大佬就唔係幾好意思，有好些問題，連佢地班大哥都話無符，你話我呢類電腦白痴點好？ 好彩好彩，口碑一致叫好的Win7終於來了，我等了這麼久，連RTM也沒有裝，就係想等正版推出的今日。早陣子參加了Win7的Blogger gathering，報了名搞Win7的迎新Party，後來便收到了他們送來的禮盒一大個，內裡有Win7 Utimate的Steve Ballmer親筆簽名版。 雖然我近來因為公私兩忙，未有時間剷走Vista迎接Win7，但先後問過幾位已升呢Win7的同事借機一玩，發覺連頗老爺的舊Laptop也行得相當暢順，看來今回Microsoft真的洗心革面，不再好像和電腦生產商夾埋一樣，整個大食的軟件來逼大家買新機。 為迎接Win7，我找了位特別嘉賓來幫我慶祝，唔好笑我無聊，但我真係覺得我兒時偶像七星俠實在和Win7襯絕(連主題曲都夾埋)，簡約得來又Powerful，好過果件大牛龜Vista多多聲，唔信睇睇，去片啦唔該。
不要說三分鐘，平時三十秒的電視廣告，我們也會嫌長，這支廣告憑什麼？ 可能，我們這些已經現實得有點可怕、看任何世事都只看到陰暗面的香港人，人情味愈沖愈淡，但，我希望你是少數的香港人。 看完這支廣告，大家都會停一停，想一想。 多謝你的三分鐘。 國內朋友可看Youku版，但畫質稍遜：後記：湊巧我較早前到浸大教書，有名泰國的交換生告訴我，這廣告其實是真人真事，播出後在坊間頗有迴響，獲得不少媒體熱情報導，Thai Life Insurance這品牌因而贏了公關上的漂亮一仗。
木村拓哉的GATSBY廣告有多人氣，當然唔駛我多講，亦唔駛香港亂繼續亂，我最近還在街邊聽到有人用I can give you GATSBY這廣告歌的鈴聲，我覺得真正深入民心。 這是一個GATSBY潔面乳的新廣告，依然係騎尼得o黎又幾好笑，好笑得o黎有幾型仔咁話，嘩，果條肥仔如果俾星爺睇中呢…..。 睇完正版，記住記住記住要睇埋木村在SMAP x SMAP內的自嘲版，我覺得更好笑。(留意個老番LOGO!!)