Rudi

賣創意賣飛弗,Samsung ST550自拍王。

近年阿姐阿哥阿叔阿嬸都幾乎人人一台單鏡反光機,加上不少手機拍攝功能已日益媲美一般數碼相機,我還以為卡片型DC仔市場理應可以收皮,誰不知專為snap shot而設的DC仔依然長賣長有,各大品牌的款式顏色功能換完季再換季,幾乎每個月都有新搞作。 老老實實,講多無謂,既然單鏡大機市場和CAN囊和叻KON兩位大哥距離有排都未拉得近,Samsung便索性在轉款如換季的DC仔市場中瘋狂搶灘,就算不特別留意數碼相機市場的,都可能留意到Samsung DC仔近期幾乎隔個月就有新搞作,搵完余民樂代言又搵Stephy拍網上短片,力攻年輕人市場。 但反過來說,涼伯我雖然自問已算老餅,但除了單鏡大機外,我仍鍾情於可方便隨身「出鞘」的DC仔,說明DC仔並非只屬年輕人專有。Samsung 最近推出的這部ST550,雖然我每次拿出來的時候,我身邊的朋友第一個反應除了會O咀讚靚外,不少人又會說:「我個妹都買o左呀」、「等我都買番部俾我女友先」、「哎呀好Cute呀,我都要買o左部俾個/條女呀」,忽然間好像都一口咬定了這部是年輕雌性人類的專用機,但我一於少理,心裡暗罵三字經之餘,便繼續向正O咀讚嘆的他們snap snap snap。 這部ST550的最大賣點,不是和市場上其他品牌鬥Configuration,而是鬥創意。它全球首創,有後又有前的雙芒顯示,除了方便愛玩單手自拍的年輕人,一邊自拍一邊在鏡頭的旁邊看到自己的貓樣外,當啟用時間掣自拍時,這在鏡頭旁邊的1.5吋LCD熒幕,更會顯示3-2-1的倒數,包你唔會等等下等到眨咗眼都唔知,另外,更有一專拍攝小朋友時預設的卡通動畫,唔駛你大人大姐仲要出洋相扮小丑逗小朋友笑。 多得Samsung,今次又給我一個試機機會,仲要夾啱我放假到馬來西亞旅行前俾我借機一用,等我今次旅行可以影多幾張靚相,我會稍後和大家分享分享,但你放心,為免大家作嘔,我一定一定唔會將我的Cutie自拍照公諸於世(最多自己匿埋影咁話)。

賣創意賣飛弗,Samsung ST550自拍王。 Read More »

Windows 些粉博客聚

老老實實,受夠了又大食又問題多多的Windows Vista,我一直都期待Windows 7的來臨,所以早前接到Microsoft的邀請出席這個Blogger event,我也第一時間報名了。 公司其實早有同事在試用Windows 7,但我不想我電腦的OS裝完又要拆,所以一直等了又等。而我身邊大部份已安裝了Windows 7的朋友,都是用來行Netbook,首要原因當然是其細食之故,但究竟Windows 7有何三頭六臂?這晚正好讓我知個分曉。 大 家寒暄幾句,便由Microsoft 的Windows Client 業務部主管Raymond進行他的Keynote speech和product demo,Raymond說話頗風趣,不太像我印象中較corporate的Microsoft 人。他用了「七」型人格來介紹Windows 7的各大強項,都算是下過點準備功夫,想搞搞新意思吧,你睇圖中的朋友笑得多興奮,就知有當時演講有幾精彩喇。 我過去廿年來差不多都PC和Mac機兩邊走,所以坦白說,一般的花巧介面已不容易取悅我,我亦總會偏見地覺得還是Mac OS的介面怎麼說也是較靚仔,Windows對於我來說,還是要實用取勝。但今次看完Windows 7的示範,都算是對它有少許改觀吧。 印 象較深刻的,首推是其Multi-touch介面,當然,你不要天真地以為你真的會像Minority Report內的Tom Cruise一樣,可以Multi-touch得那麼有型兼順暢,但以介面的靚仔而論,這肯定已是Windows的大躍進了。更何況,給Smart Phone寵壞了的這一代,一定會喜歡有天連用電腦也可以用輕觸感應來操控,有了Windows 7這新介面,相信不久推出的Netbook和Laptop,Touch screen一定會比先前的Tablet PC更普遍。 第二個印象深的,便一定是其Media Streaming和Network(Homegroup)功能,只要用一個Windows Live ID登入,透過任何一部電腦或某些型號的手機上網,你就可以將家中已啟動的Windows 7 Media Center的內容,Stream到你登入了的電腦面前,功能彷彿等同Slingbox,但這個功能相信會因bandwidth而影響表現吧,尚未親身體驗,暫時不敢多下評語,但驟聽起來,這概念卻是頗「卓」的。 距離Windows 7的推出還有兩三個星期,你問我我到時會不會Upgrade?我可以話一定會,但當日Blogger聚會送給我們的30日試用版就唔好玩喇,唔通我果頭裝完又要拆咩?

Windows 些粉博客聚 Read More »

PUMA Index — 股市跌 佢露股

上期Fortune剛好有PPR Group總裁Francois Pinault的專訪,介紹了這家擁有Gucci和YSL,以及前年才以5.3億EURO入主PUMA的品牌王國如何巴閉,言猶在耳,今天便看見這個最新推出的PUMA iPhone app。 自PPR group入主PUMA後,這隻老豹明顯地生猛番晒,除了策略性地贊助大批四五六七線的體育界黑馬外,更致力讓PUMA時裝化,就以這個iPhone app的品牌企劃為例,唔好玩啦,我真的很難想像Nike 或者adidas會夠膽做。 簡單來說, 這個名為PUMA Index的iPhone app,會一邊向你update最新的股市行程,另一邊廂,便會有索女(或你可選擇型男)向你展示PUMA的最新時裝,更更更重要的是,當股市跌,唔駛唔開心住,因為模特兒們會隨股市愈跌得多,便愈除得多,唔好心邪,查實都係點到即止,因為PUMA的最大目的,是想賣他們新推出的PUMA內衣系列。

PUMA Index — 股市跌 佢露股 Read More »

媽媽咪呀,超老套勁好睇!

雖然,Pierce Brosnan的歌藝九流跳舞又勁屹突,但幸虧梅姨Meryl Streep以五十到尾的高齡卻仍有不滅的少女情懷,她每次出場,便等如一個打十個,身體語言艷壓群芳之餘,就連飾演她女兒的Amanda Seyfried也被比下去。 再加上貫穿全劇,仿如從流聲點唱機中連環轟炸、ABBA首首你係唔係都哼得兩句的勁歌金曲,坐在戲院個多兩個小時的時間,便如似箭的光陰,出戲院的一刻,唔好話我知你把口或者個心唔係仲哼住兩句Dancing Queen或者MamaMia。 音樂,真的是能使人永遠年青的靈丹妙藥,如果你做了半世人,都無一兩首能喚起你那份少年不知愁滋味的歌曲,那管你日日打骨膠原羊胎素,你都應該無得救。 快趁假期,Call老友,順便約班Friend出聚下舊啦。 (還有,點解家庭倫理劇便一定要吵吵鬧鬧媽媽叉叉?點解唔可以學人地咁一笑泯恩仇唱歌跳舞大團圓?)

媽媽咪呀,超老套勁好睇! Read More »

要贏人,要先贏隻牛。

http://www.sony.co.uk/hub/twilight-football Twilight Football是Sony在英國,為宣傳其Exmor R™ CMOS Sensor超感光攝影技術,即將推行的一系列足球表演活動。 今個月尾開始,Sony會在世界各地七個最險峻兼你估佢唔到的地方,晨曦時分,舉行七場足球賽事,屆時,表現好身手的,除了足球員外,當然就是Sony的數碼相機和攝錄機。 為了宣傳這活動,於是他們便拍了一條又係你估佢唔到的精彩網上短片,但係我覺得佢地如果真係夠薑,應該都要係晌天未光果陣拍。

要贏人,要先贏隻牛。 Read More »

南非乳品局的驚笑小電影

我嘅舊老闆將這系列廣告嘅其中一條放了上Facebook,佢話如果給這個廣告客戶看,九成嘅回應係:喂,我地嘅消費者又唔係雞/龜/海鷗,你有無搞錯? 這是肺腑之言但又在在實實,就是因為這麼多只用一邊腦思考嘅廣告客戶,呢個世界真係愈來愈悶,我亦愈來愈憎睇廣告。 罵叉之餘,大家睇睇這幾條廣告開心番下,另類得來有點爆笑。

南非乳品局的驚笑小電影 Read More »

文雀出沒注意,唔覺唔覺塞錢入你袋?

平時一般電訊公司,賣廣告賣來賣去都係果三幅披,都離不開話自己點平至平特別平果隻,但TalkTalk這家英國電訊公司,最近便推出了PutPocketing這個廣告Campaign,大賣自己話:唔覺唔覺,我就會塞錢入你袋;唔會好似其他電訊公司今咁,唔覺唔覺,連果一個幾毫都要「滾」你。 TalkTalk真係講得出做得到,找來了一些前專業扒手,在倫敦街頭,四圍靜雞雞咁塞錢入人地個袋。 文雀扒水你聽得多,「科」水你見過未?TalkTalk拍了這條短片,作為Viral,手法之高明,與他們顧用的文雀不相伯仲。 唔好同我討論香港d客九成唔受又乜又物,我只係想大家欣賞一下,就是人家如何將一個講到爛的What to say,用一個如此新穎大膽的手法說出來(How to say)。 多得YouTube,呢類短片先可以發揚光大,因為電影台播的話,唔單止貴,更會惹來大量無謂人的投訴。

文雀出沒注意,唔覺唔覺塞錢入你袋? Read More »

同一款裙,12款穿法。

American Apparel 最近推出了名為”Le Sac Dress” 的連身裙系列,人地平時例牌當然係有網上產品目錄,但除了做得頗靚的網頁及模特兒示範外,更有趣的,是他們在YouTube內播放的12款不同穿法的真人示範。 我當然唔係對呢款裙有興趣啦大姐,但我覺得用Video補網頁的不足,此法相當高名,抵讚。

同一款裙,12款穿法。 Read More »

在Marketing Interactive刊登的HP北京博客之旅報導

我久不久會被邀在Marketing Interactive這份亞太區的業界刊物撰文,這是一篇有關我的HP北京博客之旅報導,順便亦在這裡和大家分享一下吧。 Rudi Leung On His HP Blogger Experience Influential blogger Rudi Leung, who’s day job is as communication planning director for Agenda Hong Kong, shares his HP blogger experience in Beijing recently and laments local marketers for focusing too much on tactical rather than brand building initiatives. Not so long ago, I wrote an

在Marketing Interactive刊登的HP北京博客之旅報導 Read More »