將聽歌體驗與Google雲端連接

如果你已被iPod薰陶多年,一般你的聽歌習慣都會被iTunes綁架,當Apple推出其他產品如iPhone、iPad、i乜、i物時,這個綑綁式套餐將會把你繼續鎖緊,想轉都幾煩。

但來到手機聽歌的陣營,是不是只有Mac字派才是皇道呢?這個又未必,事實上,以硬件而言,Nokia和Sony Ericsson向來都有不俗的口碑,音響質素不亞於iPhone(但和iPod還有距離)。

對於消費者來說,硬件以外的要求,當然是來自播放軟件的介面是否靚仔、方便、好用。

Android手機平台向來講求與Google網上服務的雲端整合,說到聽音樂,Sony Ericsson推出的首部Android手機X10,亦明顯在這方面放了不少功夫。

X10的音樂播放介面,在內容管理上設計得頗為大路,未有個人化的音響設定亦令我有點兒失望,但看真一點,卻發覺原來歌曲播放的介面內有乾坤,歌曲播放之時,一按「網絡搜尋」此按鈕,可即自動上Google搜尋有關演出者的網上資料。

當然,一按再上YouTube亦不可或缺,搜尋來相關演出者的YouTube片段清單,你便可以在聽歌之餘,看看演出者的短片或MV。

在電腦聽歌的時候,相信不少人早習慣了邊開著播放器邊上網,今回X10的這個音樂介面,亦充分發揮了Android在整合Google 雲端服務這方面的強項,介面的設計十分Intuitive,要給她一個”LIKE”。

當然,因為這是Android平台關係,無論上Google Search或YouTube,連接的速度也是相當流暢的,下面有片為証。

究竟點解响同一個chord上面亂Q咁彈都咁好聽?

我果頭講完vodafone的mashup活動,果頭又見到另一個mashup大行動,呢個活動,仲要係更簡單更low tech。

究竟由頭到尾齋玩一個Bb Chord,效果會係點?

呢二十位仁兄仁姐,各自用不同的樂器,有小號、有NDS、有電子鼓、有結他、有玩具等等等,齊齊在一個Bb Chord上,自由即興,即係話,就算點亂Q咁彈,合奏起來都唔會亂七八糟。

更好玩的是,這二十段音樂演奏短片,可以自由組合播放,單丁播又得,全部一齊播都得,得左。

“play these together, some or all, start them at any time, in any order”

唔好執輸,快d玩快d玩。

http://inbflat.net/

BEN仔上載YouTube片代父搵工

呢位後生仔阿BEN為加入了失業大軍o既老豆,製作了這條短片,硬Sell佢伯爺。

放上YouTube後,一星期便吸引了過6萬的瀏覽人次,聽講話,阿BEN老豆呢個禮拜開始忙於見工,握手握到手軟。

此片製作簡陋,創意乏善可陳,簡單一句:毫無章法,可是,其Viral效果卻立竿見影,點解呢?

我沒有絕對答案,但我平日一聽到同事或客戶講想攪所謂的Viral video我就頭痛,因為我明知,你地左度右度船頭驚鬼船尾驚人,咁又唔得咁又話怕消費者唔知我賣咩的心態去做一條YouTube片,九成唔work。

講溝通,誠意和誠實,最緊要。

但最最最緊要,連自己想講個咩o野故仔俾人聽都未攪清楚,一味話要Viral,真係Viral你個死人頭。