Amazing、 Extraordinary、Tremendous以外,Steve Jobs還有什麼形容詞?

從前都看過Steve Jobs被惡搞的演說「精華」片段,都是笑他來來去去都係用果幾個字,好似Amazing、 Extraordinary、Tremendous等等來賣花讚花香。 但係你又真係吹佢唔脹,佢係Steve Jobs你唔係,佢老哥講嘢你又真係要乖乖地坐低聽,佢讚的花不止特別香,可能就連他放個屁,大家都會起身鼓掌。 iPad發佈的演說,今回又被人惡搞,全長180秒的演說「精華」片段,睇片學英文,睇完你會開竅,立即發覺,原來學懂多幾個Powerful的形容詞,真係好緊要。 “Extraordinary、Phenomenal、Far better、Simple、Wonderful、Great、Gorgeous、Awesome、Super、Huge、Tremendous、Amazing、Terrific、Exciting、Beautiful….etc”。 真係好鬼Impressive。

iPad之唔係食咗超級Steroid後嘅iPod Touch?

「iPad? 點解呢個名咁似M巾?」 哈哈,以上是我老婆今早聽見這個名時的第一個反應。 我第一個反應,反而係:嘩,正呀,好似成部iPod Touch變咗Incredible Hulk(變型俠醫)咁呀,勁呀! 我較緊張的是價錢,唔好講咁多,睇睇咩價碼先。 入場價是美金$499,尚可接受吧,這個價位,擺明是吸其他e-Reader客仔的,Jeff Bezos尋晚同我報夢,話佢好後悔用了咁多錢搞Kindle。 連3G所有型號,一律只需要加$130,即係一千港幣左右,Apple玩訂價,真係玩得絕,每「下一個價位」都會令你蠢蠢欲動,想俾多一千幾百去「升呢」。 以下是基本規格: 熒幕:9.7吋 厚度:0.5吋 重量:1.5磅 處理器:自家新作1 GHz Apple A4 chip 記憶體:16 GB/32 GB/64 GB SSD 電量:10小時連續使用/待用狀態可持續一個月 其他:耳筒/咪/藍芽2.1/multi-touch/802.11n Wi-Fi 再睇睇Apple一眾高級Sales如何力Sell這個新產品。 雖然無Steve Jobs在片內親自推銷,但一般情況,睇完Apple這類宣傳片你都幾難唔心動,佢地今次仲要講到明,我地今次一開波就要用超「抵」價招你入場,唔似得以前咁等推出下一代時便即時逐步跌價。…