吉百利「巧之煉克力師」
很久以前在網誌介紹過吉百利的猩猩王扮Phil Collions打鼓廣告，然後又有由兩位小朋友演出的「戚眉戚眼」MTV，兩者都是吉百利巧克力的網上短片搞作Glass and a Half Full Productions的作品，一律以娛樂性先行，賣產品次要。 最近，吉百利又有新搞作，今次雖然都是玩無厘頭，但卻是拿產品的煉製過程來開個大玩笑，片名叫Chocolate Charmer，但如果給我改，我會叫做「巧之煉克力師」，英文就是Chocolate Alchemy。
Cadbury
更好的男人，點都唔及得上成排吉百利咁好？
我身邊不少朋友都對我曾經介紹過的英國吉百利電視廣告(兩個小朋友跟著音樂慼眉)媽聲四起，今次為大家介紹的這個系列，來自阿根廷，希望大家不會覺得太無厘頭(查實我卻獨愛無厘頭)。a 這系列廣告概念簡單直接卻有insight，一語道出“A man will never be as good as a whole Cadbury”(更好的男人，點都唔及得上成排吉百利咁好)，啜核之餘又順便賣埋產品(但廣告係咪叫各女士不如食自己？)，成個廣告產品差不多由頭帶到尾，即使無logo，卻一睇就知係吉百利。 典型的所謂Campaignable Idea，通常同一概念也可以生多幾款出來(最少一開三)，三支電視廣告各有各妙，你又喜歡那一支？ (我覺得同一概念，絕對可以炮製出一支港男發瘟之港女發狂的本地版。)
咁先算Viral？
多得當年的巴士阿叔，今時今日，好多客仲耐唔屎會叫廣告公司拍條片擺上網，以為咁就會Viral，哎呀，唔該啦，你開口埋口話要educate班消費者又要hard sell又要賣產品左計右計又要乜又要柒，點解唔索性搵無線拍條infomercial或搵靈速傳播拍條德成果類呢？上youtube，邊個會特登睇呢D片呀？ 講開Viral，英國的吉百利朱古力便索性成立了一間虛擬製作公司Glass and a Half Full Productions，不定期製作那類等你睇完得啖笑然後又會forward來forward去的Viral Video，目的都係上搏取大家對品牌的好感，至於那個官方的”Losing yourself and embracing that moment of joy” 品牌訊息，收到就好收唔到都起碼唔會覺得你剋人憎，其實廣告就係咁。 我唔敢講呢條片可唔可以幫到吉百利在英國賣多幾多包朱古力，但係講Viral，呢條片放了上youtube個多星期已經有過百萬瀏覽(只計official那一條，還未計其他人自己upload的)，兼無數bloggers廣泛討論(今日又多了我一個)，鬧好讚好，已經達到Viral的基本目的。 我一路睇，一路笑到眼眉調。