廣告常用手法之一：比較廣告。
開港有話：「唔怕貨比貨，最怕你唔識貨」。
拿人家產品的弱點來無限放大，然後將自家產品「更好」的一面無限放大，正是不少「比較廣告」的常見手法。
但礙於各地不同的廣告法例，直接比較產品功能或質素的執優執劣，貨比貨此話不太好說，標準有時也難定，有見及此，不能鬥武，於是鬥文。
比較廣告，由當年鬥產品優劣，開始流於鬥咀。
「邊個夠我威，點解你至威？」你一言，我一語，純粹語言偽術比拼。於是，廣告公司度橋，也大多以挖苦競爭對手之能事取勝。
iPhone5推出，功能規格均沒甚「驚喜」，粉絲怨聲載道但依然大賣，於是競爭對手出手，借題發揮。
挖苦排隊買iPhone的朋友們，Samsung不是第一次，今次再次照辦煮碗，在對白上，刻意針對 iPhone5多個「弱點」，試圖逐一擊破。
對白其實頗啜核，作為果迷，我也忍不住笑了。
新推出的Nokia LUMIA 920有七彩外殼，於是也來湊湊熱鬧，含沙射影，取笑向來只有一黑一白選擇的iPhone。
既然「紅黑紅紅黑，就係咁簡單」大家都不介意，「白黑白白黑，就係咁埋單」相信也沒所謂吧。
執筆時，蘋果方面未有以廣告作出回應(其實也九成不會)，問題是，被取笑過後的果迷，會否因而反思，轉投對方陣營？
這類廣告，又會否直接影響你的消費決定？