繼「弊家火，地鐵有色魔」後，呢單可謂係近期最弊家Niao的弊家火事。
我已先後從多位年輕以至中年朋友口中，聽聞他們慘被老豆老母姨媽姑姐在Facebook搔擾的弊家火經歷，最近便有受害人發起了這個網站，將大家的慘劇個案上載，向大家吐吐苦水，平衡一下心理。
最好笑是那位拒絕給老媽子add的朋友，事後俾媽子媽叉完再大規模向所有姨媽姑姐四圍唱話佢不孝。
又或者某仔仔玩完某個曳曳心理測驗，阿媽立即叫阿仔千祈唔好Forward俾老豆。
笑到我叫救命，我一路睇一路幸災樂禍，好彩細佬我無乜親戚，父母又早在天堂退休，斷估都唔會去Facebook開account。
各位網友們，你地又有沒有甚麼弊家火經歷可以分享一下？