Kindle鬥iPad的比較式廣告,戇居又何苦?

什麼?能夠在烈日當空下用Kindle讀書,這個居然也可以成為iPad Killer的殺手鐧?

就算讀傳統書本,我也知道在烈日當空下看是一定會壞眼的,可能我見識少,但我老媽自少也是這樣教我的,所以,我一定不會左在泳池旁曝曬兼看書,如果我有小朋友,他/她這樣做的我會打鑊佢。

更何況,iPad或其他大部份的熒幕電子產品,都有不少副廠生產的防反光保護貼哦,可能美國那邊沒有先達廣場或高登吧,所以廣告中的那位iPad仁兄,只可無奈地繼續被身旁那位用Kindle的女士恥笑了。

還有,為什麼那位iPad仁兄會在泳池旁穿T-shirt?扮老套乎?

看完這個廣告,我不禁對Jeff Bezos有點失望。

言猶在耳,Jeff Bezos兩個月前在Bloomberg接受Charlie Rose訪問時,還誓神劈願地說,絕對不會把iPad當作自家Kindle的競爭對手,大家各有各做,各有各市場云云。

轉過頭來,居然有這樣垃圾的一個廣告出街,重點還要是,這回是對著iPad幹的。

基本上,但凡這類的比較式廣告,我都覺得只會是那些有著「二奶」心態的品牌才會做的,但我覺得,Amazon沒有這個必要。

學老黎話齋:「要贏人,先要贏自己。」拿一個無關痛癢的賣點來取笑人家,何苦?

以下是訪問精華片段:

想重溫整個近40分鐘的訪問,要到這裡

iPad之唔係食咗超級Steroid後嘅iPod Touch?

「iPad? 點解呢個名咁似M巾?」

哈哈,以上是我老婆今早聽見這個名時的第一個反應。

我第一個反應,反而係:嘩,正呀,好似成部iPod Touch變咗Incredible Hulk(變型俠醫)咁呀,勁呀!

我較緊張的是價錢,唔好講咁多,睇睇咩價碼先。

入場價是美金$499,尚可接受吧,這個價位,擺明是吸其他e-Reader客仔的,Jeff Bezos尋晚同我報夢,話佢好後悔用了咁多錢搞Kindle。

連3G所有型號,一律只需要加$130,即係一千港幣左右,Apple玩訂價,真係玩得絕,每「下一個價位」都會令你蠢蠢欲動,想俾多一千幾百去「升呢」。

以下是基本規格:

熒幕:9.7吋

厚度:0.5吋

重量:1.5磅

處理器:自家新作1 GHz Apple A4 chip

記憶體:16 GB/32 GB/64 GB SSD

電量:10小時連續使用/待用狀態可持續一個月

其他:耳筒/咪/藍芽2.1/multi-touch/802.11n Wi-Fi

再睇睇Apple一眾高級Sales如何力Sell這個新產品。

雖然無Steve Jobs在片內親自推銷,但一般情況,睇完Apple這類宣傳片你都幾難唔心動,佢地今次仲要講到明,我地今次一開波就要用超「抵」價招你入場,唔似得以前咁等推出下一代時便即時逐步跌價。

我直情覺得,呢番話好似擺明針對我而講,因為我成日都呼籲朋友:千祈千祈千祈唔好買任何第一代的Apple產品,起碼等到第三代。

我有點擔心,我可能會打破我多年來所發過的毒誓。