想食免費早餐？星巴你啦！
根據路迪涼梁家目視法的非正式統計，朝早走入Starbucks齋買杯咖啡就馬上掉頭走的顧客，十居其八。 佢地可能會毫不吝嗇地去Starbucks買杯靚咖啡，但係轉個頭就走去求其買個腸仔包或雞尾包，填填肚就算。 點解會咁？有人話，Starbucks根本無適合早餐份量的麵包賣，有的話都頗貴。 聽取了不少顧客意見後，Starbucks一於從善如流，近期推出了平靚正，兼且合乎早餐份量的味美包包及迷你三文治，我今早去了試食，好食到唔停得口，食完連晏晝果餐都慳番。(遲下會另有BLOG文) 不單止這樣，見大家近期被金融海嘯攪到愁雲慘霧，Starbucks便索性請大家食早餐，試食這幾款新出的味美包包及迷你三文治。 明天早上開始，Starbucks會在以下多個中環及金鐘地點(其他地點陸續有來)，免費派發早餐換領券，派足一萬份。 嘩，正呀，中環愉景灣碼頭都有得派。 在較大的地圖上查看Starbucks 送早餐, 為香港人打氣