Interactive

Samsung N310 病毒性廣告

甚麼是Viral Video?Viral者,具病毒性的東西也,病毒的一大特色,就是人傳人加跨社區爆發的效果,呢一刻你中了毒,轉過頭你唔該都無聲就將病毒傳給別人,如是者,一傳十十傳八,八八六十四,六十四乘六十四變四千幾,如此類推。 看過好幾支Samsung的Viral Video,全部Made In UK,大部份都真的很有Viral 效果,看後我亦會願意馬上分享給「朋友」(我其實也是先從人家的Blog看到)。 今早又有新發現,Samsung今回要「毒」你的是新推出的netbook N310,這台新機,設計出自深澤直人,此君作品,我較早前也有介紹。 呢部機設計膠膠地,難怪這支Viral Video,同樣也帶點鬼馬,但我想說的重點是,Video內裡完全沒有販賣任何產品功能,純粹賣Image,但充滿娛樂性。 我真希望有客戶及同事會看我的Blog,以後再唔會九唔答八地叫我幫佢度啲乜鬼Viral Video,因為你查實想當正廣告或者宣傳易咁做,一定唔Viral兼無前途。 點解?因為廣告時段是你俾錢買回來,你可以勉強逼人睇,但你放上YouTube的Video,唔好睇的話,消費者就睬你都傻,莫講話幫你傳添啦,鬧少你兩句已經勁俾面。 明無?

該煨卻盞鬼的英國旅遊網站

一般旅遊觀光網站,通常都係咁款居多,未出發,先悶鬼。 於是,呢個叫你去英國旅遊,兼發掘她有趣的另一面的網站就話:「妖,借歪啦唔該,$#!#@$^,呢款網站,頂多只可以用來包Fish & Chips。」 趕走了這個老套網站,你就會見到英國最Fun 同最Funk的一面,感覺上,英國好似成個主題樂園加Kinder出奇蛋咁,一定好玩過海洋公園,未睇完,已經好想好想去英國開下眼界。 唔該香港旅遊協會,學下人地呢個網站,唔好賣來賣去都係果三幅披,香港旅遊業,真係要打救你。 新加坡OgilvyOne的作品,請鼓掌。 www.visittheotherbritain.com

只溶喺口唔溶喺手嘅迪士尼

曾經在本Blog介紹過可以擺自己個貓樣上M&M這網上服務。 http://hk.myblog.yahoo.com/rudileung/article?new=1&mid=6401 如果你怕見到自己或者朋友個貓樣晌粒M&M出現,但係又想攪些花臣,家下又多一個選擇。 M&M最近同迪士尼合作,俾你上網訂購印有迪士尼人物大頭及相關主題圖案的M&M朱古力,但我唔係好明,點解High School Musical 果幾款會無印到阿靚仔Zac Efron個大頭上去,怕影響銷路?無理由無理由。 http://www.mymms.com/Disney/selling_page.asp

ctf2 Cover Girl選舉

除了間中負責俾錢,我對珠寶手飾這東西真的毫無興趣,對這行業亦可謂一竅不通。 但傻人有傻福,去年開始,我有幸地開始為HKU SPACE的Professional Diploma For Jewelery Marketing任教,更連續教了三個學期。每一次,我只負責主講三課的品牌管理學,其餘有關珠寶手飾的行內知識,當然由其他老師擔大旗。 所謂教學相長,原來是真的。因為接觸了珠寶手飾業的學生,加上我的認真備課(哈哈,真珠都無咁真),亦令我學懂了多一點有關這行業的知識。 事有湊巧,我其中的一位學生,原來是周大福的要員。她說見我明明在教品牌管理,每次談起網上廣告時,卻異常雀躍Jerry Yang上身,覺得一定有鬼馬。引起了她的好奇,後來,她便索性叫我可不可以幫她小試牛刀,給老闆看看網上廣告的威力。 ctf2是周大福旗下的年輕線品牌,主打二十多歲的上班族女性,不用甚麼AC Nielsen、TNS或Synovate告訴我們也知道,互聯網肯定是她們使用量最高的媒體。 純粹做一兩條廣告Banner Ad無意思,見近期ctf2積極重新包裝,於是我建議不如順勢幫他們在網上攪一個Cover Girl選舉。一來可透過參與,讓更多年輕女性留意ctf2這品牌,二來又可讓網民選出他們心目中最適合ctf2這品牌的形象代言,提高消費者與品牌的bonding。 因為廣告宣傳budget有限,加上在完全沒有傳統媒體宣傳的情況下,當初客戶也擔心會否吸引到足夠數目的高質素參賽者。但後來我們發覺,這擔心是多鬼餘的,在三百多名的參賽者中,不少也具備了專業的model質素,唯最後選出的十強,天生麗質靚爆鏡的卻不一定入圍,因為,我們想盡量選出較具不同個性類型的參賽者來。 成為十強的參賽者,我們特別為她們拍攝了一輯造型照,我更大打人情牌,找了網友王穎和她的學生幫手,替每位女孩進行化妝和造型,她們一隊師徒為此忙了一整個星期天,所以真的要在這裡,向她們特別鳴謝,多謝王老闆和她的學生們! http://hk.myblog.yahoo.com/wwmakeup/article?mid=34382 (王穎也寫了Making of) 當然,我還要在這裡多謝公司的一班好同事:Eric、Tracy、Toby、Nancy及Celia等等的勞心勞力。 我雖然唔係TVB的六叔,但都有機會攪一次選美比賽兼一嘗做評判的滋味,真開心,無憾了。 5月10號是投票截止日期,還有十日,唔投票都過去睇睇啦。 http://promo.tvb.com/ctf2_0903/vote/final10.php

樂天香口膠一百萬(Yen)舞王大募集

FIT’s 係日本樂天的香口膠,最近在網上搞左咗單舞王大賽,叫各路舞林高手一齊較量,齊齊條佢地果隻FIT’s舞。 廣告由曾飾演幪面超人電王的佐藤健,以及CM女王佐々木希演出,留意後面伴舞隻狗同埋個模特兒公仔,好頂癮。 唔知係咪因為夠低B,雖然做嘅嘢差唔多,但又真係好睇過Shake Shake薯條多多聲,我睇左兩條片兩次,首15″ Jingle已經入哂腦兼識得唱,唔通真係隔離局飯香? 再睇埋果班參賽者嘅熱情參與,真係笑到碌地。

樂天香口膠一百萬(Yen)舞王大募集

FIT’s 係日本樂天的香口膠,最近在網上搞左咗單舞王大賽,叫各路舞林高手一齊較量,齊齊條佢地果隻FIT’s舞。 廣告由曾飾演幪面超人電王的佐藤健,以及CM女王佐々木希演出,留意後面伴舞隻狗同埋個模特兒公仔,好頂癮。 唔知係咪因為夠低B,雖然做嘅嘢差唔多,但又真係好睇過Shake Shake薯條多多聲,我睇左兩條片兩次,首15″ Jingle已經入哂腦兼識得唱,唔通真係隔離局飯香? 再睇埋果班參賽者嘅熱情參與,真係笑到碌地。

美人時計

從blog友Jansen的Twitter發帖看到這個網站,雖不及Uniqlock厲害,但也覺得頗有趣。 此網站名為美人時計,分分鐘都有美女為你報時(如圖)。 朋友,你最鍾意幾點鐘果位靚女呢? http://www.bijint.com/en/ 不如攪番個港女版本丫笨。

0.02mm距離的愛

看見這個標題,你可能會以為是日本動畫家新海誠的另一套愛情小品。查實非也,這套其實是去年聖誕前夕一個月,在日本上演的一套網上真人騷。 話說這雙日本情侶,兩人熱戀卻分隔異地,一個住在東京,一個身處福岡,因為愛情的力量,兩人決定奔向對方(但唔明點解唔搭車要堅持行路),於是,網上便直播了這段歷時近一個月的愛情馬拉松,由10億mm的距離開始,到最終兩人在路上某點相遇,喜極相擁,但故事到這裡,雖然已經大團圓,但尚未告一段落…. 我先不開估,希望大家能花少許心機,先看看這套廣告片,然後自己發掘故事結局。

玩緊扮做嘢,做嘢扮玩緊 Microsoft Office for Mac

「家陣D後生仔,晌Office度一日對住部電腦,都唔知係做緊嘢定玩緊。」 話說某一天,我還在做CD的日子,從前公司的某某大老闆,路經我的房間,在咁啱又對住部電腦查實又唔知玩緊抑或係做緊嘢的我面前如是說。 我向他支吾以對了幾句,然後等佢一擰轉背,繼續開番晒剛才都唔知算係搵reference定搵娛樂的internet browsers出來。 用mac機有個好處,有咩風吹草動,可以閃得好快。 家陣番工要用PC,真係無咁方便。