我有「聽」神你未必有

成日都嘆世界果位蔡瀾話過:我有食神你未必有,所以,就算幫襯同一度,我成日食到好嘢但唔代表你都食到。 我無蔡瀾的食神,但我諗我自細就好有「聽」神,譬如我成日有高人指點介紹些好音樂過我,讀大學果陣,又傻更更地被本地樂評界老祖馮禮慈老師帶了入行做樂評人,享受了多年免費聽CD同音樂會的開心日子。 即使近年我已經收山無寫樂評,但我依然耐唔屎撞上又好聽又唔駛俾錢買飛的音樂會,有時覺得自己是行運超人。 繼上兩星期坐靚位聽Billy Joel外,昨晚我又有位做Banker兼對古典音樂無甚興趣的朋友,無端端有兩張飛請我去聽朗朗在InterContinental Ball Room舉行的演奏會。 演奏會只有一個多小時,音樂會完場又特設朗朗粉絲答問大會,感覺上是主辦單位UBS娛己及娛賓的小聚會。但朗朗的確吃得開,沒有半點不悅兼害羞,演出的半例牌曲目亦交足功課。 我還是愛聽他毫不浮誇造作的Mozart’s Sonata 和Schumann’s Fantasie,他彈的Listz’s Hungarian Rhapsody,反真的令我有點耳累,但技巧之高,真的令我無話可說,硬要「彈」他,就真的是搵來「彈」了。 多謝老友阿Pat,這晚請我做了她的尊貴尚賓。