當iPod還是大大舊的時候，我已經愛帶著那40G四圍走，跑步去。
今時今日，輕巧的iPod Nano加埋NikePlus，我可以一邊跑步一邊聽歌一邊有個鬼妹(你都可以揀鬼仔)話我知我跑了多少公里，簡直就係完美配搭。
更重要的是，這配搭會令你跑步跑上癮。
但老媽子教落，凡事上癮都唔好，之不過，我以為做運動除外。
昨晚如常，我帶著我的NikePlus套裝，跑步去。
但誰知，事前忘記了叉電。
只跑了1公里，便無歌聽。
於是，我發覺我的跑步雄心，亦迅速地隨我的iPod電力而去，愈跑愈無力，愈跑，心情愈灰。
原來，不知不覺間，音樂已等同我的金霸王電芯，沒有了她，我會像用其他炭性電芯的兔仔一樣，無力，收皮。
我都知凡事上癮都唔好，但我真的已歌癮太深，戒不掉此癮矣。
你地呢？你地做運動係咪都會聽歌？你「我最喜愛的運動或跑步金曲」，又是那幾首？
(不要告訴我是Eye Of The Tiger或紅日，呢度唔o岩咀型，請轉台。)