我想唔撈呢份工:Geek Geek戰鬥員之哀歌。

幪面超人劇集內經常行先死先果班二打六壞人,究竟點稱呼? 問過幪面超人專家肥倫,佢好正經咁答我話:「佢地一般被統稱為戰鬥員」,而坊間就向來慣稱他們為Geek Geek,因為佢地出親場,都係Geek Geek聲咁叫。 無諗過呢班Geek Geek都有出頭天,呢個求職廣告,翻炒幪面超人一號的舊Footage,然後從Geek Geek的角度出發,配上抵死的字幕心聲,再加感人配樂,那份富大時代悲哀的「唔想撈死呢份工」之內心世界,刻劃得透徹入微。 我一路睇,一路笑到Geek Geek聲,Geeeeeeeeeeeek!!!