Brand Experience

如果你有好產品和好服務，「展示」就是最好的賣廣告方法。 Apple向來深明此理，所以近年索性開旗檻店賣貨兼做宣傳，再順便做埋客戶售後服務，一舉三得。 紐約市的Apple Store據說已成地標，未有機會去那邊朝聖，剛到過這個座落於三藩市中心兩層高的Apple Store，已足以令我望梅止渴。 店內有幾十部Apple產品任試任玩，已經是Apple用家嗎？上一層樓，又有廿多名Mac Genie，隨時即場提供技術支援，又或者和你上一堂私人補習班學用Mac。想學些較高技巧的秘技攻略嗎？二樓的某個角落，就有小小的演講室，每個小時有一堂不同題目的講座，圖片所見，剛巧正在教點用Final Cut。 唔怕你唔買，只怕你買完少用，這就是Apple做這麼大台戲的主要目的。 我們成日開口埋口講Brand Experience，拜會過Apple Store，你就會覺得，咁至係波。