Technology

小科技大環保—打電話開街燈 Dial4Light

剛從今期TIME Magazine讀到這篇有趣的文章,話說德國某小鎮,有熱心市民認為入夜後街燈長開其實有點兒浪費能源,於是便主動接洽政府及相關部門,想出了用這個On Demand啟動街燈的方法,即是說,當你行到那裡,街燈才開到那裡。 街燈用手機啟動,先打Dial4Light再打附近街道的區碼,街燈便會自動開啟,到大概你走完那條路的時間後,這街燈便會自動關閉。 你當然會話一定會有人投訴云云,無錯,真係有唔少維園阿伯媽叉,但難得人家的市長力排眾議,繼續堅持,因為計劃推出後,該市的碳排放量每年可減少12頓,而事實上,每晚每支街燈會被開啟的次數亦不過三次,真係慳唔少電。 真正做大事的人,就是要這樣,覺得對的事情,就要堅持。 Dial4Light這家公司亦開始將業務推廣至其他國家,其中包括瑞典、挪威和法國,大家早知創意+環保真係有得做,幾時先到香港? TIME Magazine原文: http://www.time.com/time/world/article/0,8599,1907182,00.html

弊家火,Facebook老豆老母一籮籮!

繼「弊家火,地鐵有色魔」後,呢單可謂係近期最弊家Niao的弊家火事。 我已先後從多位年輕以至中年朋友口中,聽聞他們慘被老豆老母姨媽姑姐在Facebook搔擾的弊家火經歷,最近便有受害人發起了這個網站,將大家的慘劇個案上載,向大家吐吐苦水,平衡一下心理。 最好笑是那位拒絕給老媽子add的朋友,事後俾媽子媽叉完再大規模向所有姨媽姑姐四圍唱話佢不孝。 又或者某仔仔玩完某個曳曳心理測驗,阿媽立即叫阿仔千祈唔好Forward俾老豆。 笑到我叫救命,我一路睇一路幸災樂禍,好彩細佬我無乜親戚,父母又早在天堂退休,斷估都唔會去Facebook開account。 各位網友們,你地又有沒有甚麼弊家火經歷可以分享一下? http://myparentsjoinedfacebook.com/