Hiking

呢排唔行山等幾時?

近排多了城市島的遊客趁週末入來愉景灣,大部份人相信都是先入來嘆個海景午餐,然後到東涌的Factory Outlet Shopping Shopping 再Shopping。 趁近排的微涼天氣,我建議大家如果入來愉景灣的話,不如早一點,先在12點左近來過Sunday Brunch,然後嘆一輪海景,飲杯咖啡咁話之後,最理想莫過如大概在3點半左近出發,經稔樹灣步行至神樂院,趕及黃昏上山看日落,然後才漫步到銀礦灣,在臨海的鬼佬Pub China Bear叫杯Murphy’s Stout,享受6點鐘左右的日落餘輝,飲飽啤酒,再到鄰近碼頭的海鮮酒家,整番個唔駛三百蚊就可以四個人分的海鮮餐,大概八點左右散Band。 計我話,咁,先為之Very Good。 昨天,我如常作以上所述的行程,途中遇上一對住在九龍城的加拿大+美國情侶,他們說,即使是舟車勞頓,這同樣是他們經常指定的週末行程,一邊和他們閒聊,我一邊用我的Canon G7傻瓜機按下快門,記下我的此刻心情。 如果呢一刻有杯Starbucks Latte俾過我飲,咁,就更加為之Very Good喇。

新一年,登高去。

新一年第一天,過去幾年節目都是睇叱吒,今年拿不到叱吒入場券,於是節目改為 —行山。 我們一家三口,先來個Brunch,到四點本左右開始起行,行上山頂睇黃昏,入黑前,再從山頂緩跑回家,天寒地凍,卻出足一身汗。 新的一年,有個最平凡,但又極之健康的開始。 希望大家的2008年,也是健康年。