防曬粉底，最啱女殭屍
近年又Twilight又True Blood，幾乎以摩登吸血殭屍為題材的電影電視小說都總有市場，這令我想起當年(差不多十年前)，我曾經在泰國看過的這條電視廣告。 唔講得笑，第一次看時，我真的O了咀，唔識反應，你會覺得，究竟邊個客可以咁有幽默感，連吸血殭屍呢條橋都Buy，仲要係用番最傳統的P&G式Problem & Solution Formula，真係吹佢唔脹。
TVC
南非乳品局的驚笑小電影
我嘅舊老闆將這系列廣告嘅其中一條放了上Facebook，佢話如果給這個廣告客戶看，九成嘅回應係：喂，我地嘅消費者又唔係雞/龜/海鷗，你有無搞錯？ 這是肺腑之言但又在在實實，就是因為這麼多只用一邊腦思考嘅廣告客戶，呢個世界真係愈來愈悶，我亦愈來愈憎睇廣告。 罵叉之餘，大家睇睇這幾條廣告開心番下，另類得來有點爆笑。
強隊需要霹靂旋風腿
我那個年代嘅靚仔，相信就算如我呢類唔踢波嘅孱弱書生，都依然會對足球小將著迷，最近看見adidas嘅新廣告，見到「強隊需要霹靂旋風腿」呢句認真得來帶點凄美地幼稚嘅廣告語，立即我勾起了當年看足球小將時嘅美好回憶。 電視廣告中嘅施丹，有點像當年一手發掘出戴志偉嘅勞比度叔叔，當然，果位真係當正足球係老死嘅美斯，亦施展出逢人過人嘅優美腳法，風采與泰來不相佰仲，射球果刻雖然無使出衝力射球，但腳法巧妙敏捷之處亦甚有戴志偉嘅影子。 你唔好以為我飲醉酒呀，我真係好認真寫呢篇Blog o架，足球小將當年真係著adidas o架。
更好的男人，點都唔及得上成排吉百利咁好？
我身邊不少朋友都對我曾經介紹過的英國吉百利電視廣告(兩個小朋友跟著音樂慼眉)媽聲四起，今次為大家介紹的這個系列，來自阿根廷，希望大家不會覺得太無厘頭(查實我卻獨愛無厘頭)。a 這系列廣告概念簡單直接卻有insight，一語道出“A man will never be as good as a whole Cadbury”(更好的男人，點都唔及得上成排吉百利咁好)，啜核之餘又順便賣埋產品(但廣告係咪叫各女士不如食自己？)，成個廣告產品差不多由頭帶到尾，即使無logo，卻一睇就知係吉百利。 典型的所謂Campaignable Idea，通常同一概念也可以生多幾款出來(最少一開三)，三支電視廣告各有各妙，你又喜歡那一支？ (我覺得同一概念，絕對可以炮製出一支港男發瘟之港女發狂的本地版。)
用具象化數據和你講故事
數據具象化(Data Visualization)早非甚麼新事物，但應用得好的還是少之又少。 這條短片，目的是想勸喻加拿大人盡量多多幫襯本地種植的農產品，但齋講大堆數據，可能會像高官在立法局講話一樣，悶得人發慌之餘更難聽入耳，能否說服人家更不用說。 有趣的是，這一大堆數據經過少許創意包裝後，同一番說話就變得更動聽，一聽就明兼容易入腦。 http://vimeo.com/5477517 Hellmann’s – It’s Time for Real from CRUSH on Vimeo.
Microsoft進軍大銀幕，「搞乜鬼奪命雜作」式大製作。
兩個月前，Microsoft先煞有介事地，在網上放了一條這樣的電影式Teaser影片。 今個月頭，Office 2010大電影正式大鑼大鼓，再來一條媲美荷里活大製作，類似「廿一世紀嚇人網絡之驚細陰謀是旦籌旗大雜作」的電影Trailer(即係Scary Movie系列果類電影)。 看完Trailer，你可能會kit kit兩聲，笑一下，然後就按圖索驥，上到這個網站，不過，朋友，請合作一下，你要先裝Silverlight。 創意這回事很主觀，我先不品評人家的創意，但我想說，我真的由衷佩服負責此campaign的JWT美國支部，在經濟如此低迷，每個客戶都嚷著要cut廣告budget之秋，都能夠說服客戶大破慳囊，真係唔恨死隔離就假。
Snoop Dog惡攪Heineken
多得YouTube功德無量，廣告Spoof(惡攪)已經再不會是以前的歡樂今宵今日的香港亂UP的專利。 我好耐之前介紹過這個Heineken廣告，據知這條片在美國熱播，近排香港電視都有上畫。 最近看到Snoop Dog拍來宣傳他今年夏天音樂會的這個Spoof，踢走了Heineken啤酒，換了….(自己睇啦，費事開古)，真係笑死我。看來，Snoop Dog打算挑戰盧海鵬。
紐西蘭航空的坦蕩蕩真人騷
咳咳….你真係無眼花，以下這段短片，片內的紐西蘭航空機艙服務員，真的坦蕩蕩赤裸裸，全部一絲不掛，身上只有幾可亂真的制服body paint。 為了帶出紐西蘭航空Has Nothing To Hide這品牌概念，呢班演員便為藝術而犧牲，拍了這齣有關機艙安全的短片。 平時這類短片，真係悶死人搵鬼睇，但這輯短片就非常「奪目」，包你睇到眼定定。 我覺得這機倉短片比原先的廣告，更高章更有話題性。 作為一家航空公司，紐西蘭航空夠膽如此坦蕩蕩地宣傳品牌形象，令我覺得紐西蘭人真係傻更更很可愛。
以法國名導高達手法拍美國電視劇24再crossover賣Stella啤酒，真係俾佢吹到啤一聲。
剛看了這條英國佬做創意扮法國人拍美國電視劇24查實幫比利時啤酒品牌Stella Artois拍的網上廣告片，如果你都對法國名導Jean-Luc Godard(高達：唔係機動戰士果位呀)電影略有所聞，加上又睇過下美國電視連續劇24的話，你才會覺得這條片有多頂癮。 唔少歐洲廣告就係咁，硬係喜歡同你兜個大圈先至覺得為之有料到，如果唔係，當地消費者可能會藐爆你。 如果睇完呢條片仲未夠喉，上網睇埋另外兩條。 www.smoothoriginals.com
氣海無涯，世界無邊。More Air. More World.
http://www.nike.com/nikeair/us/ 「氣海無涯，世界無邊。」 不是風雲漫畫中步驚雲的招式，而是我硬譯了Nike Airmax新廣告Campaign的slogan “More Air. More World”。 我先要再三聲明，說到買波鞋，我還是三間Original的擁躉，但說到廣告，關刀牌的作品又往往令我這個三間擁躉既恨且愛。 唔想都要講，今日又要講講關刀牌的新作。 這個宣傳網站，為Nike Airmax系列的運動鞋而設，一句廣告標語”More Air, More World”，道出了這廣告Campaign的主題。意指，新的Nike Airmax注入了更多的Air，更輕便、更舒適的運動鞋，能將你帶到更遠、更超乎你想像的領域。 按TV Spots鍵，你可以欣賞到幾支頗有趣但手法又極平實的電視廣告片。我最喜歡圖中那支，老公晨早跑步回家，緊張兮兮地告訴太太他剛才看見的警匪搏火驚險場面，誰不知，太太反而卻驚訝地回應他說：「唔係丫化，你今日走到水塘果頭咁遠？」然後鏡頭影丈夫穿著的那對新款Airmax，一切盡在不言中。 此外，網站中，還有兩個很值得欣賞的網上創意。你可先選擇Run on Air 或Ball on Air，然後，你便可以用電腦的鍵盤，和圖中的運動員互動，按指定的鍵，圖中就會出現不同的Motion Graphic，以天馬行空的影像，比喻著運動員可闖入的領域。 這個網站的Flash Animation及Flash Video都做得相當流暢，值得大家參考。 一個Single-minded的”What to say?” 廣告訊息攪清楚了，執行上，就是要找不同但又相關的”How to say?”，一而再，再而三地把”What to say?”的廣告訊息以最動聽的手法，打進人家的腦袋。 Nike又再次用一個活生生的例子，去向我們說明這道理。