廣告觀點

防曬粉底,最啱女殭屍

近年又Twilight又True Blood,幾乎以摩登吸血殭屍為題材的電影電視小說都總有市場,這令我想起當年(差不多十年前),我曾經在泰國看過的這條電視廣告。 唔講得笑,第一次看時,我真的O了咀,唔識反應,你會覺得,究竟邊個客可以咁有幽默感,連吸血殭屍呢條橋都Buy,仲要係用番最傳統的P&G式Problem & Solution Formula,真係吹佢唔脹。

Xanga CTO Dan Huddle到訪敝公司

昨天有客自遠方來,Xanga的CTO兼創辦人之一Dan Huddle來訪,與我們公司的同事們分享一下Xanga的好些新動向。 唔講唔知,原來香港是Xanga除美國以外具最高滲市場透率的地方,在香港有百多萬用戶,並流行於年輕人市場,你見AngelaBaby、GEM和Janice Man等等都是在此落腳,你就大概知他們的群組實在青春無敵。 我笑問Dan知不知道香港的Teen Model現象,來自New York的他居然一句”Of course, you mean Lang Mo?”,於是我便笑說Xanga不如自己攪個o靚模選舉,順便做埋經理人啦。 (我偷偷地用我正在試機的Samsung ST550 DC仔,放在台上玩時間掣自拍,當DC仔前面熒幕倒數3-2-1時,給我右手邊的女同事發現了) Dan送了我一件中碼,拿起手卻像是大碼,果然係美國Size。 整個分享在愉快的氣氛下結束,臨別時,最開心的莫過於我公司的Xanga用戶們(他們正好是全公司最年輕的一群),因為Dan送了他們人人一件Xanga Tee,雖然我一把年紀,明顯不是Xanga用戶,我都有一件,哈哈,你睇我開心到呢。

連交響樂大師都出iPhone App?

美國洛杉磯愛樂管弦樂團最近委任了Gustavo Dudamel作為音樂總監,為了隆重其事兼搞搞新意思,哈,就連你一向可能以為嚴肅古板的音樂大師,也順應潮流出了一個iPhone App來宣傳一下。 先揀一首由洛杉磯愛樂管弦樂團演繹的古典樂章,拿起你的iPhone當指揮棒,你就可以Gustavo Dudamel上身,成隊管弦樂團任你「指」,話快就快,話慢就慢,有玩過或者聽過Guitar Hero就大概get到,仲未get到,睇下呢段短片示範。

Windows 些粉博客聚

老老實實,受夠了又大食又問題多多的Windows Vista,我一直都期待Windows 7的來臨,所以早前接到Microsoft的邀請出席這個Blogger event,我也第一時間報名了。 公司其實早有同事在試用Windows 7,但我不想我電腦的OS裝完又要拆,所以一直等了又等。而我身邊大部份已安裝了Windows 7的朋友,都是用來行Netbook,首要原因當然是其細食之故,但究竟Windows 7有何三頭六臂?這晚正好讓我知個分曉。 大 家寒暄幾句,便由Microsoft 的Windows Client 業務部主管Raymond進行他的Keynote speech和product demo,Raymond說話頗風趣,不太像我印象中較corporate的Microsoft 人。他用了「七」型人格來介紹Windows 7的各大強項,都算是下過點準備功夫,想搞搞新意思吧,你睇圖中的朋友笑得多興奮,就知有當時演講有幾精彩喇。 我過去廿年來差不多都PC和Mac機兩邊走,所以坦白說,一般的花巧介面已不容易取悅我,我亦總會偏見地覺得還是Mac OS的介面怎麼說也是較靚仔,Windows對於我來說,還是要實用取勝。但今次看完Windows 7的示範,都算是對它有少許改觀吧。 印 象較深刻的,首推是其Multi-touch介面,當然,你不要天真地以為你真的會像Minority Report內的Tom Cruise一樣,可以Multi-touch得那麼有型兼順暢,但以介面的靚仔而論,這肯定已是Windows的大躍進了。更何況,給Smart Phone寵壞了的這一代,一定會喜歡有天連用電腦也可以用輕觸感應來操控,有了Windows 7這新介面,相信不久推出的Netbook和Laptop,Touch screen一定會比先前的Tablet PC更普遍。 第二個印象深的,便一定是其Media Streaming和Network(Homegroup)功能,只要用一個Windows Live ID登入,透過任何一部電腦或某些型號的手機上網,你就可以將家中已啟動的Windows 7 Media Center的內容,Stream到你登入了的電腦面前,功能彷彿等同Slingbox,但這個功能相信會因bandwidth而影響表現吧,尚未親身體驗,暫時不敢多下評語,但驟聽起來,這概念卻是頗「卓」的。 距離Windows 7的推出還有兩三個星期,你問我我到時會不會Upgrade?我可以話一定會,但當日Blogger聚會送給我們的30日試用版就唔好玩喇,唔通我果頭裝完又要拆咩?

PUMA Index — 股市跌 佢露股

上期Fortune剛好有PPR Group總裁Francois Pinault的專訪,介紹了這家擁有Gucci和YSL,以及前年才以5.3億EURO入主PUMA的品牌王國如何巴閉,言猶在耳,今天便看見這個最新推出的PUMA iPhone app。 自PPR group入主PUMA後,這隻老豹明顯地生猛番晒,除了策略性地贊助大批四五六七線的體育界黑馬外,更致力讓PUMA時裝化,就以這個iPhone app的品牌企劃為例,唔好玩啦,我真的很難想像Nike 或者adidas會夠膽做。 簡單來說, 這個名為PUMA Index的iPhone app,會一邊向你update最新的股市行程,另一邊廂,便會有索女(或你可選擇型男)向你展示PUMA的最新時裝,更更更重要的是,當股市跌,唔駛唔開心住,因為模特兒們會隨股市愈跌得多,便愈除得多,唔好心邪,查實都係點到即止,因為PUMA的最大目的,是想賣他們新推出的PUMA內衣系列。

要贏人,要先贏隻牛。

http://www.sony.co.uk/hub/twilight-football Twilight Football是Sony在英國,為宣傳其Exmor R™ CMOS Sensor超感光攝影技術,即將推行的一系列足球表演活動。 今個月尾開始,Sony會在世界各地七個最險峻兼你估佢唔到的地方,晨曦時分,舉行七場足球賽事,屆時,表現好身手的,除了足球員外,當然就是Sony的數碼相機和攝錄機。 為了宣傳這活動,於是他們便拍了一條又係你估佢唔到的精彩網上短片,但係我覺得佢地如果真係夠薑,應該都要係晌天未光果陣拍。

南非乳品局的驚笑小電影

我嘅舊老闆將這系列廣告嘅其中一條放了上Facebook,佢話如果給這個廣告客戶看,九成嘅回應係:喂,我地嘅消費者又唔係雞/龜/海鷗,你有無搞錯? 這是肺腑之言但又在在實實,就是因為這麼多只用一邊腦思考嘅廣告客戶,呢個世界真係愈來愈悶,我亦愈來愈憎睇廣告。 罵叉之餘,大家睇睇這幾條廣告開心番下,另類得來有點爆笑。

點驚,都唔恐怖得過巧遇小強。

不知道對於部份女士來說,小強(曱甴)的驚嚇度是否至高無上,如果是的話,今年海洋公園哈囉喂,是否應該整番間來來曱甴屋? 這系列的平面廣告,看來都相信是做給廣告獎的評判看的,但“Fight Your worst fear, use Baygon”這句標語有寫得幾到肉喎。

文雀出沒注意,唔覺唔覺塞錢入你袋?

平時一般電訊公司,賣廣告賣來賣去都係果三幅披,都離不開話自己點平至平特別平果隻,但TalkTalk這家英國電訊公司,最近便推出了PutPocketing這個廣告Campaign,大賣自己話:唔覺唔覺,我就會塞錢入你袋;唔會好似其他電訊公司今咁,唔覺唔覺,連果一個幾毫都要「滾」你。 TalkTalk真係講得出做得到,找來了一些前專業扒手,在倫敦街頭,四圍靜雞雞咁塞錢入人地個袋。 文雀扒水你聽得多,「科」水你見過未?TalkTalk拍了這條短片,作為Viral,手法之高明,與他們顧用的文雀不相伯仲。 唔好同我討論香港d客九成唔受又乜又物,我只係想大家欣賞一下,就是人家如何將一個講到爛的What to say,用一個如此新穎大膽的手法說出來(How to say)。 多得YouTube,呢類短片先可以發揚光大,因為電影台播的話,唔單止貴,更會惹來大量無謂人的投訴。

同一款裙,12款穿法。

American Apparel 最近推出了名為”Le Sac Dress” 的連身裙系列,人地平時例牌當然係有網上產品目錄,但除了做得頗靚的網頁及模特兒示範外,更有趣的,是他們在YouTube內播放的12款不同穿法的真人示範。 我當然唔係對呢款裙有興趣啦大姐,但我覺得用Video補網頁的不足,此法相當高名,抵讚。