N310唔止睇得,仲好捱得。

講靚仔,呢部Samsung N310可說是除Sony的VAIO P以外(但我又嫌P仔的mon太細兼電池續航力太弱),我較為看得上眼的一台Netbook,但講到底,除了靚仔之外,她的能耐又如何?

我的N310試用體驗,已經踏入第三個星期,近這個多星期來,我一直都嘗試如何可將這部機,用得更盡,睇下佢有幾捱得。係呀,即係「粗用」咁話。

就像這一天,我剛好差不多整天也在外面開會,一日走足三場,我除了例牌會在上班下班的途中,在船上開機Wi-Fi上網寫blog外,辦公時間,我主要也在conference room內渡過。

和大部份人一樣,我的主打軟件是MS Office,接駁Projector投放PowerPoint,偶爾會上一上網,播一點行Flash的網站Demo給客戶看看,其餘的開會時間,就會開個MS Word來打打memo吧。

除了在接駁Projector的時候,我都沒有選擇「最大電池壽命」的設定,主要原因是由於當筆電以這方法慳電的話,大家都知道,第一樣要犧牲的,便是熒幕的光亮度,對住暗暗的mon,我覺得這會讓自己雙眼受罪,唔值得。

所以,在平時的行動狀態下(即沒有接上電源時),我都會選擇「一般」的節能設定,讓熒幕的光亮度,維持在一個可接受的程度。另外,其實此機亦設有8度光暗調節的介面,可以自行調較到適合為止。

說回這一天,我由朝早8-9點在船上開機,出入開了三個會,用上了大半天,拉勻開機的時間,大概是4-5個鐘頭吧,做到5點幾時,看一看電池計量器,我發覺我只用了44% 電,淨下的電量,還夠我多用4粒鐘。看來Netbook CPU的低耗電量,加上這枚跟機的6 Cell電池,長氣之「朵」確實名不虛傳。

作為在上班用的主機,我每天最少有5-6成時間,會用了我的電腦來做PowerPoint,我用的是向來Vista用戶最多投訴的Office 2007。如果你用的是Dual-Core或以上兼擁有4GB RAM的高階機,基本上問題不大,但如果你的電腦只有1 GB再加上你跑的是Vista,如此用來跑Office 2007的話,基本上是自討苦吃咎由自取(我家中的另一部舊Laptop就係咁樣衰左)。

究竟在這台行Atom N280 CPU的Samsung N310上,以Windows XP作業系統行Office 2007效果如何呢?以我一般砌親份份PowerPoint都閒閒地過十幾廿MB而言,這部機運行得相當順暢,最低限度,比我家中另一台行Vista的舊Laptop順暢得多,開關檔案的速度都算不俗,一般又多相又多Animation的PowerPoint檔,都能應付自如。

但相信是由於跟機只有1 GB RAM關係吧,如果要同時執行多個軟件,這台機有時便會感到有點吃力,尤其是出名大食的MSN Messenger和TweetDeck,又或者當你以Firefox(係呀,IE雖然慢,但我近來發覺原來我那只裝了一兩個plug-in的Firefox仲大食)瀏覽某些滿載Flash video 的網站時,這台機便會突然像上斜坡的蝸牛一樣,播放得相當吃力兼會間中呆滯。Blog友Jansen介紹我改用Chrome,試過後發覺有點兒改善,但我經常要上的那些Heavy loading 的flash site,還是下載得有點吃力。

所以,如果想這台機運行得更暢順,我會建議大家改用盡量不要同時又玩MSN又玩TweetDeck這類大食軟件。此外,即使是Netbook兼行Windows XP,我相信還是裝夠2GB RAM會較好。這台N310雖然出廠只有1 GB RAM,但相信Samsung亦「預左你」會自己加RAM,所以機底只要開一口螺絲便能自行更換(佢仲驚死你唔知在螺絲位上寫明Memory一字)。點解唔一出廠俾夠2GB RAM?唉,之唔係成本問題囉,Netbook利潤有幾低,你睇標價都估到啦,4千左近,平過大部份SmartPhone,仲想點?

Leave a Reply

Your email address will not be published. Required fields are marked *