唔好叫我二手狗!

這頭坐在Sophie旁邊的白色小狗,叫Moochie,大概四至五個月大,被主人領養了剛好一個月,和她行山當日,已經相當懂性,叫佢坐低影相佢就坐,有笑容兼無咋型。

她是甚麼品種的狗?唔…咁靚女,斷估都係混血啦,呢…即係果D唔知咩咩Rosemary或者Maggie Q果類囉。

像Moochie這般可愛的小狗,平均每個月有80多隻被人遺棄,等待領養。經濟下滑,遺棄小動物的情況更日益嚴重。

領養「二手狗」會不會有很多問題?

查實一樣米養百樣狗,和人一樣,每隻狗都有自己的脾性,很難一概而論,給你在寵物店千揀萬揀回來的小狗,與你領養回來的,其實分別不大,你一樣要和它相處一段時間,才能彼此熟習對方的脾氣和生活習慣。

養混種狗好還是純種狗好?

這等同識男仔識女仔一樣,何必定下那麼多的條件框框?一齊就看緣份吧,我唯一可以告訴你的是,一般而言,混種狗一定比純種狗硬淨,病痛亦會較少,理由很簡單,愈是純種的,近親繁殖的機會便愈高。就同人類一樣,愈混得雜的,血統反而更優良,你睇王敏德幾高大靚仔你就知喇。

如果你正打算養狗,不防先到以下的網址看看,說不定,你會遇上另一頭像Moochie這般可愛的小狗,混種的,更筍。

記住,打算養狗前,請先考慮領養,免得過買就不要買。

http://www.hongkongdogrescue.com/public/index.php

Leave a Reply

Your email address will not be published. Required fields are marked *